پارێزەران و کەسوکاری سزادراوانی بادینان ئاشکرایدەکەن، ئەمڕۆ لەکاتی دەستپێکی دادگاییەکەدا بۆیان دەرکەوتووە کە بەشێک لە سزادراوانی بادینان کێشی لەشیان دابەزیووە.
بڕیاربوو ئەمڕۆ دادگاییکردنی پێنج چالاکوانی بادینان بەڕێوەبچێت، بەڵام بەهۆی ئەوەی سەرۆکی دادگا مۆڵەتی وەرگرتووە، دادگاییکردنەکە دواکەوت.
بەشدار حەسەن، پارێزەری دۆسیەی چالاكوانە دەستگیركراوەكانی بادینان، لە کۆنگرەیەکی ڕۆژنامەوانیدا ڕایگەیاند، “دادگایکردنەکە بەهۆی مۆڵەت وەرگرتنی سەرۆکی دادگاوە دواخرا، چونکە دادوەری جێگر وتوویەتی، ئەو نوسراوی ئەم دادگایکردنەی نەخوێندوەتەوە، بۆیە دۆسییەکەی دواخت”.
کەسوکاری دەستگیرکراوانی بادینان دەڵێن، ئەوەی تێبینیان کردووە کێشی لەشی بەشێک لە دەستگیرکراوان لاواز بووە و لەژێر فشاردابوون، بە ڕادەیەک دوو لە دەستگیرکراوەکان لە ژێر فشاردا وتویانە ئێمە پارێزەرمان ناوێت.
بە وتەی پارێزەری دۆسییەکە، هێزێکی ئەمنی زۆر لەکاتی دەستپێکی دادگاییکردنەکەدا ئامادەبوون و ئەوەش لەڕووی یاساییەوە ڕێگەپێدراو نییە.
