تەرمی كوڕ و باوكێك لە مەلەوانگەی باخێكی سنووری هەولێر بە خنكاوی دۆزرایەوە.
نەقیب ئامانج محەمەد، بەرپرسی تیمی ژێرئاوی خەبات سەر بە بەڕێوەبەرایەتیی بەرگریی شارستانیی هەولێر بە تۆڕی میدیایی ئێستای وت، پێشنیوەڕۆی ئەمڕۆ دوو تەرمیان لە مەلەوانگەی یەكێك لە باخەكانی گوندی پیرڕەش، كە دەكەوێتە نزیك كەسنەزان لە پارێزگای هەولێر دەرهێناوەتەوە.
وتیشی، “قوربانییەكان باوك و كوڕن و پێكەوە چوونەتە مەلەوانگەكە، پێدەچێت بەهۆی نەزانینی مەلەكردنەوە خنكابن”.
باوكەكە ناوی (ئەمین فەخری بەكر) تەمەن 37 ساڵ و پاسەوانی باخەكە بووە، كوڕەكەشی (جان ئەمین فەخری) تەمەن 4 ساڵ بووە.
