دەستەی حەشدی شەعبی، لەبارەی سوتاندنی بارەگای لقی پێنجی پارتی لە بەغداد، ڕایگەیاند کە لەگەڵئەوەی ڕەچاوی هەست و هەڵچونەکانی لایەنگرانی حەشدی شەعبی دەکەین بەڵام بەهەموو شێوەیەکیش کاری تێکدەرانە و توندوتیژی ڕەتدەکەینەوە.
دەستەی حەشدی شەعبی ڕاشیگەیاندووە، “داوا لە هەموولایەک دەکەین سەروەری و شکۆی دەوڵەت و ئاشتیی کۆمەڵایەتی بپارێزن و ڕێز لە هێزە ئەمنییەکان بگرن لەم بارودۆخە هەستیارەدا”.
الى محبي وانصار #الحشد_الشعبي :
نتفهم مشاعر العراقيين والمحبين والحريصين على تضحيات ودماء أبناء الحشد الشعبي ، كما ندعم حرية الرأي والاحتجاج والتظاهر السلمي بما نص عليه الدستور ، لكننا #نرفض استخدام العنف والتخريب بأي شكل من الاشكال
— مديرية الإعلام – هيئة الحشد الشعبي (@teamsmediawar) October 17, 2020
ئەمە لەکاتێکدایە، ئەمڕۆ 17ی تشرینی یەکەم، کۆمەڵێک لە لایەنگرانی حەشدی شەعبی چونە سەر بارەگای لقی پێنجی پارتی لە بەغداد و سوتاندیان، سوتانی بارەگاکەی پارتی کاردانەوەی هەفتەیەک گرژییە لە نێوان پارتی دیموکراتی کوردستان و حەشدی شەعبیدا، بەتایبەت دوای ئەوەی حەشد داوایکردبوو زێباری داوای لێبوردن بکات، بەڵام هەم زێباری و هەم پارتەکەی بێدەنگ بوون.ئەم گرژییانەش دوای ئەوەهات چەند ڕۆژێک پێش ئێستا، هۆشیار زێباری لە چاوپێکەوتنێکدا لەگەڵ کەناڵی حوڕەی عێراقی ڕایگەیاند، “هەرێمی کوردستان لایەنگری ئەمریکایە و ئێستا حەشدی شەعبی وەک چۆن داعش پێشتر هەرێمی کوردبووە ئامانج ئێستا ئەوان دژی هەرێمی کوردستان وەستاون”.
