بەهۆی هەڵەی هاندەرێکەوە چەندین بایسکیڵسواری بەشداری “تۆر دی فرانس” دەکەون بەزەویدا و برینداردەبن.
شەممەی ڕابردوو لە کاتی بەڕێوەچوونی چالاکییەکانی پێشبڕکێی “تۆر دی فرانس” لە سانت ڕیڤۆواڵ هیڵ لە شاری سانت کادو، هاندەرێک لە بانەرێکەوە لە بایسکیڵسواران نزیکدەبێتەوە و دەبێتە هۆی پێکدادان و کەوتنی 50 بۆ 60 بایسکیڵسوار، کە هەندێکیان برینەکانیان سەختە و تاوەکو ئاستی شکاوی ڕۆیشتوون.
Crazy crash at Tour De France 2021 🇫🇷
A fan who was holding a message to her grandparents & grinning for the cameras took out most of the peloton with a cardboard sign 🚴♀️ 🚴♂️ 🚴 #TDF2021 pic.twitter.com/OEZmiSjBE9
— Nigel D'Souza (@Nigel__DSouza) June 26, 2021
لەم بارەیەوە گێلبێرت ڤێرسایەر پزیشکی ئێسک و شکاوی ناودار لە فەرەنسا ڕایگەیاندووە، “ئەوەی ڕوویدا هاوشێوەی ناوچەی جەنگ بوو، ناڵاندن و هاواری بایسکیڵسواران یەکێکبوو لە خراپترین ئەو دیمەنانەی لەژیانمدا بەرچاوم کەوتووە”.
بەپێی زانیارییەکانی ڕۆژنامەی “لیکیپ”، لە ئێستادا پۆلیسی فەرەنسی بەدوای ئەو هاندەرە سەرکێشەدا دەگەڕێت، کە بانەرەکەی بەبێ ئاگایی بەرزکردووەتەوە و کارەساتێکی وەرزشیی خوڵقاندووە.
