ڕێگری لە هێرشی چەقۆكێشێك لە یەكێك لە شەقامەكانی شارێكی ئەڵمانیا كە كوشتن و برینداربوونی ژمارەیەك هاوڵاتی مەدەنی لێكەوتەوە، ناو و ناوبانگی كوردێك لەو وڵاتە بڵاودەكاتەوە.
ڕۆژی هەینی لە ناوەڕاستی شاری ڤورتسبۆرگی ئه‌ڵمانیا، هێرشكارێك به چه‌قۆ په‌لاماری ژماره‌یه‌ك پیادەیدا، بەهۆیەوە سێ ژن كوژران و چەند كەسێكی دیكەش برینداربوون.
یەكەمینی ئەو كەسانەی ڕوبەڕووی پەلاماردەرەكە دەبێتەوە، كە پیاوێكی سۆماڵی تەمەن 24 ساڵ بووە، كوردێكی خەڵكی ڕۆژهەڵاتی كوردستانە بەناوی چیا ڕەبیعی.
چیا، تەمەنی 42 ساڵە و كۆچبەرێكی نوێیە و تەنها 17 مانگە ڕووی لە ئەڵمانیا كردووە، پێشتر لە شاری مەهاباد لە ڕۆژهەڵاتی كوردستان شۆفێری تەكسی بووە، وەك ئەوەی یەكێك لە ڕۆژنامەكان ئاماژەی پێداوە.
A man has been arrested for stabbing 3 people to death & injuring 6 others in a ‘knife attack’ incident in #Wuerzburg, Germany. Proliferated patterns of knife attacks in Europe continue to pose a serious criminal justice challenge for law enforcement. Prayers for the victims. 💐 pic.twitter.com/uQNVqiURRo
— PAWA, Rahul (@imrahulpawa) June 25, 2021
چیا وەك یەكەم كەس ڕوبەڕووی تاوانبارەكە دەبێتەوە و بە جانتاکەی دەستی ناھێڵێت پەرە بە تاوانەکەی بدات و خەڵکی زیاتر بكاتە قوربانی، تا ئەوكاتەی پۆلیسی ئەڵمانی دەگاتە شوێنی ڕووداوەكە و دەستگیریدەكات.
لەبارەی ئەوەی ئایا لەكاتی ڕوبەڕوبوونەوەی تۆمەتباردا نەترساوە ئەو دەڵێت، نەخێر نەترساوە، بەڵكو “خەوی لێناكەوێت بەهۆی بیركردنەوەی لەوەی بۆچی نەیتوانیوە زووتر بگاتە شوێنەكە تا ڕێگری لە كوشتن و برینداربوونی ئەو كەسانە بكات”.
