خەزانێکی سوتەمەنی لە ناوچەی عەربەت- سلێمانی ئاگریگرت و بەرگری شارستانی شارەكەش تیمەكانی بۆ کۆنترۆڵکردنی ئاگرەکە ڕەوانە کردووە.
پەیامنێری تۆڕی میدیایی ئێستا لە شوێنی ئاگرەکە ڕایگەیاند، لەئێستادا ئاگرەکە لەلایەن تیمەکانی بەرگری شارستانییەوە کۆنترۆڵ کراوە.
ڕونیشیكردەوە، ھۆکاری کەوتنەوەی ئاگرەکە لەکاتی گواستنەوەی سوتەمەنی لە تانکەرێکەوە بۆ تانکەرێکی تر بووە.
هاوكات بەگوێرەی زانیارییەكانی پەیامنێری تۆڕی میدیایی ئێستا شۆفێری یەكێك لە تەنكەرەكان دەستگیركراوە و لێكۆڵینەوە لە ڕووداوەكەش دەستیپێكردووە.
