بەڕێوەبەری هاتوچۆی پارێزگای هەڵەبجە داوا لە هاوڵاتییان دەکات، هەر شۆفێرێک سەرپێچیی کرد، بە وێنە بۆیان بنێرن و ئەوانیش سزای دەدەن.
عەتا بەهرام، بەڕێوەبەری هاتوچۆی پارێزگای هەڵەبجە رایگەیاند، لە ئاییندەیەکی نزیکدا، ژمارە تەلەفۆنێکی تایبەت دادەنێین، تاوەکو هاوڵاتییان هەر سەرپێچییەکی شۆفێرانیان بەدیکرد، لە رێگەی ئەو ژمارە تەلەفۆنەوە ئاگادارمان بکەنەوە.
وتیشی، “هاوڵاتییان دەتوانن وێنەی ئەو ئۆتۆمبێلانە بگرن کە دەچنە سەر شانی رێگە، یاخود بە پێچەوانەی ئاراستەی رێگەوە شۆفێری دەکەن، لە گرتە و وێنەکاندا تابلۆی ئۆتۆمبێلەکان دەربخەن، تاوەکو ئێمە لێکۆڵینەوەیان لەگەڵدا بکەین و سزای داراییان بدەین”.
