حکومەتی بەریتانیا جێگرەوەیەکی بۆ ستیڤن هیکی باڵیۆزی ئێستای وڵاتەکەی لە عێراق دیاریکرد و ڕایگەیاند لە سەرەتای مانگی داهاتووەوە دەستبەکاردەبێت.
وەزارەتی دەرەوەی بەریتانیا ئەمڕۆ هەینی ئاشکرایکرد، مارک پریسۆن ڕیچاردسۆن دەبێتە باڵیۆزی نوێی بەریتانیا لە عێراق و شوێنی ستیڤن هیکی باڵیۆزی ئێستا دەگرێتەوە.
بڕیارە لە سەرەتای مانگی تەموزەوە باڵیۆزی نوێی بەریتانیا لە عێراق دەستبەکارببێت.
ئاماژەی بەوەشکردووە، باڵیۆزی نوێ کار و ئەرکی نوێی پێدەسپێردرێت لە عێراق.
ڕیچاردسۆن لە ساڵی 1999وە لە وەزارەتی دەرەوەی ئەمریکا دەستبەکاربووە، کاری کردووە لە باڵیۆزخانەکانی وڵاتەکەی لە خەرتوم، کابوڵ، ماقادیشۆ و پێشتریش کاری دیپلۆماسی لە باڵیۆزخانەی وڵاتەکەی لە بەغداد کردووە.
