دوای ڕۆیشتنی کارلۆ ئەنچلۆتی، ئیدارەی یانەی ئێڤەرتۆن هەوڵی فرۆشتنی جەیمس ڕۆدریگێزی یاریزانی کۆڵۆمبی دەدات.
ڕۆژنامەی دەیلی مەیڵی بەریتانی ئاشکرایکردووە، بەڕێوەبەرانی ئێڤەرتۆن ترسیان لە ناهاوسەنگیی داهاتی ساڵانە و ڕێساکانی یاری خاوێن هەیە، بۆیە ناچاربوون بیر لە فرۆشتنی جەیمس ڕۆدریگێزی یاریزانی کۆڵۆمبی بکەنەوە.
یاریزانە ناودارەکەی کۆڵۆمبیا وەرزێک بەدرێسی ماگپایسەوە یاریکرد، ئاستێکی گونجاوی پێشکەشکرد، بەڵام بەهۆی زنجیرەیەک پێکانەوە نەیتوانی جێدەستی خۆی بە پێکهاتەکانی کارلۆ ئەنچلۆتییەوە بەجێبهێڵێت، بەتایبەتیش لەدوای گەڕانەوەی ڕاهێنەرە ئیتاڵییەکە بۆ ڕیاڵ مەدرید، “خامێس” بێهیوا بووە.
بەپێی سەرچاوەکە، خۆرخی مێندێزی لێپرسراوی کارەکانی جەیمس لە ئێستادا بەدوای چارەسەرێکدا دەگەڕێت، بۆ ئەو مەبەستەش یاریزانەکەی پێشکەشی سێ یانە کردووە، کە پێکهاتوون لە ئەتلەتیکۆ مەدرید، میلان و ناپۆلی، بەڵام یەکلایینەبووەتەوە کام لەو سێ یانەیە ئامادەن تەواوی داواکارییەکانیان جێبەجێبکەن.
