وەزارەتی دادی ئەمریکا ئەمڕۆ سێشەممە دەستبەسەرداگرتنی سێ ماڵپەڕی ئەلیکترۆنیی سەربە حیزبوڵای عێراقی ڕاگەیاند.
لە ڕاگەیەندراوێکدا کە لەسەر ئەو سێ ماڵپەڕە ئەلکترۆنییە دەرکەوتووە، وەزارەتی دادی ئەمریکا هەرسێ ماڵپەڕی (ئاژانسی مەعلومە، پێگەی کەتیبەکانی حزبوڵا و پێگەی کاف میدیا)ی داخستووە.
هۆکارەکەشی بۆ ئەوە گەڕاندووەتەوە کە ئەو ماڵپەڕانە سەربە حزبوڵای عێراقیین و لەلایەن ئێرانەوە پاڵپشتییدەکرێن بۆ دژایەتی کردنی ئەمریکا، پێشتریش جارێکی دیکە ئەمریکا ماڵپەڕی مەعلومەی داخستووە.
جگە لەو ماڵپەڕە عێراقییانە ئەمریکا ژمارەیەکی دیکە لە میدیاکانی سەربە حزبوڵای داخستووە و لەسەر سەرجەم ئەو کەناڵانە نوسراوە کە لەلایەن وەزارەتی دادی ئەمریکاوە دەستیبەسەرداگیراوە.
