كەمێك لەمەوبەر لە بەردەم هۆتێل ئەبو سەنای شاری سلێمانی هێزێكی کۆماندۆ و ئاسایشی سلێمانی ڕوبەڕوی یەکبوونەتەوە و حەوت ئەندامی هەردوولا برینداربوون.
پەیامنێرمان پێی ڕاگەیاندین، ئەمشەو بەهۆكارێكی تایبەت لە بەردەم هۆتێل ئەبو سەنای شاری سلێمانی هێزێكی کۆماندۆ و ئاسایشی سلێمانی ڕوبەڕوی یەکبوونەتەوە، لەڕوبەڕبوونەوەكەدا سێ ئەندامی هێزەكانی ئاسایش برینداربوون و چوار ئەندامی هێزەكانی كۆماندۆش برینداربوون.
ئاماژەی بەوەشكرد، بریندارەكان گواستراونەتەوە بۆ نەخۆشخانەی شار و لە ئێستادا شەڕەكە كۆتاییهاتووە و هێزی ئەمنی لەناوچەكە كۆبوونەتەوە.
هاوكات ھێزە ئەمنیەکانی سلێمانی لە بارەی ڕووداوەکەوە دەستیان بە لێکۆڵینەوەی کردووە.
