بافڵ تاڵەبانی: هاوپەیمانیی کوردستان بۆ یەکڕیزی و یەکخستنی گەلی کوردە

هاوسەرۆکی یەکێتیی نیشتمانیی کوردستان ڕایگەیاند، ئامانج لە دروستکردنی هاوپەیمانیی کوردستان پاراستنی مافەکانمان و دابینکردنی داهاتوویەکی ڕووناکترە بۆ هەرێم.

بافڵ تاڵەبانی، هاوسەرۆکی یەکێتیی نیشتمانیی کوردستان لەبارەی ڕێککەوتنی حزبەکەی لەگەڵ بزوتنەوەی گۆڕان ڕایگەیاند، ” من وەک کوڕی سەرۆک مام جەلال و هاوسەرۆکی یەکێتی، هەموو پشتگیرییەکی خۆم بۆ هاوپەیمانیی کوردستان دووپات دەکەمەوە”.

هاوسەرۆکی یەکێتی ڕاشیگەیاندووە، ” شەبەنگی ئەم هاوپەیمانێتییە بۆ یەکڕیزی و یەکخستنی گەلی کورد و دەنگێکی یەکگرتووە، مەبەست لە هاوپەیمانیی کوردستانی بۆ زیاتر مەزنکردنی گەلەکەمان، پاراستنی مافەکانمان و دابینکردنی داهاتوویەکی ڕووناکترە بۆ هەرێمی کوردستان و عێراقێکی باشتر بۆ هەمووان”.

بافڵ تاڵەبانی هەر لەبارەی هاوپەیمانیی کوردستانەوە ئاماژەی بەوەشکردووە، ” یەکڕیزیمان یەکێکە لە ئامانجە ڕوونەکانمان و هەمیشە نەتەوەی کورد تەنها بە یەکڕیزی توانیوییەتی رووبەڕووی دژوارترین دۆخەکان ببێتەوە و تێیبپەڕێنێت”.

ئەمڕۆ 20ی حوزەیران، بە ئامادەبوونی هاوسەرۆکانی یەکێتی و ڕێکخەری گشتی بزوتنەوەی گۆڕان لە شاری سلێمانی بە فەرمی هاوپەیمانیی کوردستان لەنێوان ئەو دوو حزبەدا واژوو کرا.

بابەتی پێشتر

هەرێم.. ڕێژەی توشبوون بە كۆرۆنا لە چاكبوونەوە زیاترە

بابەتی دواتر

لە هەولێر دەستڕێژی گولـلە لە ئۆتۆمبیلێک کرا کوژراو و بریندار هەیە

بابەتی پەیوەندیدار
Total
0
Share