بەپێی هەواڵی ئاژانسەکانی ئێران دەنگی سپی لە هەڵبژاردنی سەرۆکایەتی ئێراندا ڕکابەری ئیبراهیم رەئیسی کردووە و دوای دەنگی سپی دوو کاندیدی دیکە هاتوون.
ئاژانسی هەواڵی ئیلنای ئێرانی ئاشکرایکردووە، “ئیبراهیم رەئیسی 17 ملیۆن دەنگی لە هەڵبژاردنەکاندا بەدەستهێناوە، لە کاتێکدا 59 ملیۆن کەس مافی دەنگدانیان هەبووە.
هەواڵەکەی ئیلنا دەڵێت، لە پرۆسەی هەڵبژاردنی سەرۆکایەتیدا دەنگی سپی سێ ملیۆن و نیو بووە و ئەوەش زیاترە لە دەنگەکانی کاندیدەکانی دوای ئیبراهیم رەئیسی.
کاندیدەکانی دوای ئیبراهیم رەئیسی ڕیزبەندییەکەیان بەو شێوەیەیە، کە موحسین ڕەزایی سێ ملیۆن دەنگ و عەبدولناسر هیمەتی زیاتر لە دوو ملیۆن دەنگ و ئەمیرحسێن قازیزادە هاشمی 900 هەزار بە دەستهێناوە.
بەپێی ئەو زانیاریانە ڕێژەی دەنگدان لە هەڵبژاردنە سەرۆکایەتییەکەدا کەمتر لە٪50 بووە و ڕێکەی بایکۆت وەک چاوەڕێ دەکرا زۆربووە.
