هەوڵەكان بۆ ڕزگاركردنی ئەو منداڵەی كەوتووەتە ناو بیرێكەوە لە مەغریب پێدەنێتە ڕۆژی چوارەمییەوە، بەپێی تیمەكانی بەهاناوەچوون چەند مەترێكی كەمیان ماوە بۆ گەیشتنە منداڵەكە.
سێشەممەی ڕابردوو منداڵێك بەناوی (ڕەیان) كەوتە ناو بیرێكی 32 مەترییەوە لە نزیك شاری شفشاون لە باكووری مەغریب.
لەو ڕۆژەوە هەوڵەكان بۆ دەرهێنانەوەی بەردەوامە، بەرپرسی كارەكانی هەڵكۆڵین بە میدیاكانی ڕاگەیاند، هەرەسهێنانی خۆڵ ڕێگربووە لەبەردەم كارەكانیاندا.
وتیشی، “چەند مەترێكی كەمیان ماوە بۆ گەیشتنە منداڵەكە و ڕزگاركردنی”.
