بەپێی ڕاگەیەنراوی کۆبوونەوەکە، بافڵ تاڵەبانی بەوردی باری سەرنج و دیدگای یەکێتی بۆ پرسەکان خستەڕوو دووپاتی لەخواستی یەکێتی کردەوە لە پەیڕەوکردنی سیاسەتێکی کوردستانیی نیشتمانیی ھاوبەش کە ڕەنگدانەوەی ھەلومەرج و بیروبۆچوونە جیاوازەکانی لایەنە سیاسییەکان و ھەم کۆمەڵانی خەڵکیش بێت.
بافڵ تاڵەبانی ڕونیشیکردووەتەوە، سیاسەتی نوێی یەکێتی ڕوو لە حکومڕانییەکی باشتر و زیاتر خزمەتکردنی خەڵکە و لەو ڕووەشەوە ھاوکار و پشتیوانی سەرخستنی پڕۆسەی چاکسازیی ڕیشەیین چاکسازییەک کە لەخزمەت ئاوەدانی و خزمەتی زیاتر و باشترکردنی بژێوی ھاوڵاتییان بێت.
ڕاگەیەنراوەکە ئاشکرایکردووە، ھەر لەدیدارەکەدا سەبارەت بەبارودۆخی ئەمنی و جموجۆڵی پاشماوەکانی داعش بیروبۆچۆن ئاڵوگۆڕكراو پشتیوانی لە ھەماھەنگی و ھاریکاری زیاتر لەنێوان ھەرێم و ھاوپەیمانیی نێودەوڵەتی کرایەوە لەپێناو سەقامگیری و ئاسایش و ئارامی لە ناوچەکە.
