دوانیوەڕۆی ئەمڕۆ 7ی کانوونی دووەم، لەسەر ڕێگەی کەرکوک – هەولێر دەستڕێژی گولە لە ئۆتۆمبیلی کەسێک کرا و دەستبەجێ گیانی لە دەستدا.
پەیامنێری تۆڕی میدیایی ئێستا لە هەولێر ڕایگەیاند، “ڕوداوەکە لە نزیک سەنتەرێکی چاککردنەوەی ئۆتۆمبیل لەسەر ڕێگەی کەرکوک – هەولێر ڕویداوە و دوای ئەوەی تەقە لە ئۆتۆمبیلێکی جۆری کیا ڕیۆ کراوە و شۆفێرەکە گیانی لە دەستداوە”.
بەپێی زانیارییەکانی تۆڕی میدیایی ئێستا، هۆکاری ڕوداوەکە بەهۆی کێشەیەکی کۆمەڵایەتی کۆنەوە بووە و ئەو کەسە لەناو “دوژمنداری”یەکی کۆندا بووە.
شایەتحاڵانی ڕوداوەکە دەڵێن، ئۆتۆمبیلێکی دیکە لە تەنیشت ئۆتۆمبیلی کوژراوەکە وەستاوە و دەستڕێژی لێکردووە.
