نەوتی خاوی بەسڕە لە 73 دۆلار نزیكدەبێتەوە

هەردوو جۆری قورس و سوكی بەسڕە بەرزبوونەوەیان بەخۆیانەوە بینی

نەوتی خاوی سوك و قورسی بەسڕە بەرزبوونەوە هاوشانی بەرزبوونەوەی نرخی نەوت لە بازاڕەكانی جیهاندا.

نرخی هەر بەرمیلێكی نەوتی خاوی سوكی بەسڕە كە هەناردەی ئاسیا دەكرێت ئەمڕۆ سێشەممە گەیشتە 72.98 دۆلار و بەرزبوونەوەی بەڕێژەی 0.25% بەدەستهێنا، خاوی قورسی بەسڕەش گەیشتە 69.20 دۆلار و بەرزبوونەوەكەی بەڕێژەی 0.48% بوو.

ئەمڕۆ نرخی نەوت لە بازاڕەكانی جیهان بەرزبوونەوەی بەخۆیەوە بینی و خاوی برێنت گەیشتە 73.13 دۆلار، خاوی ڕۆژئاوای تەكساس-یش گەیشتە 71.14 دۆلار بۆ هەر بەرمیلێك.

بۆ سێیەم هەفتە لەسەریەکە، نرخی نەوت لە بازاڕە جیهانییەكان بە ئاماژەی سەوز دەستدەكات بە مامەڵە، هۆکارەکەشی بۆ پێشبینییەکان بۆ زیادبوونی خواست لەسەر وزە، بەردەوامیی پلانەكانی ئۆپیك پڵەس لەبارەی سنوورداركردنی بەرهەمهێنان و هەروەها زیادبوون و بەردەوامیی کوتان دژی کۆرۆنا و هەڵگرتنی ڕێکارەکان دەگەڕێتەوە.

ئاژانسی وزەی نێودەوڵەتی لە ڕاپۆرتی مانگانەیدا دەڵێت، لەگەڵ زیاتربوونی خواست لەسەر نەوت، وڵاتانی بەرهەمهێنەری نەوت لە ئۆپیک پڵەس پێویستە جارێکی دیکە ئاستی بەرهەمهێنان بەرزبکەنەوە، لەكاتێكدا هێشتا ئەو وڵاتانە بەپێی پلانی سنوورداركردنی بەرهەمهێنان كاردەكەن و هێشتا نەچوونەتەوە سەر ئەوپەڕی بەرهەمهێنان.

بابەتی پێشتر

قوباد تاڵەبانی: کار لەسەر شەفافترکردنی کۆکردنەوەی داهاتەکان دەکەین

بابەتی دواتر

پرسی هەڵبژاردن لایەنە شیعییەكان پێكەوە كۆدەكاتەوە

بابەتی پەیوەندیدار
زیاتر ببینە

نرخی دۆلار دابەزی

نرخی دراوە بیانییەكان بۆ ئەمڕۆ چوارشەممە 27ی کانونی دووەم، لە بازاڕەكانی هەرێم بڵاوکرایەوە، تا کاتی ئامادەکردنی ئەم هەواڵە…
Total
0
Share