ئەمڕۆ، یەکشەممە یاری کۆتایی پاڵەوانێتی کراوەی فەرەنسا بۆ تێنسی سەرزەوی “ڕۆلاند گارۆس” ئەنجامدرا، نۆڤاک دیۆکۆڤیچی سڕبی ناسناوەکەی بەدەستهێنا.
ڕوبەڕوبوونەوەی دوو پاڵەوانە جیهانییەکە چوار کاتژمێر زیاتری خایاند، “نۆلیتۆ” لە دوو کۆمەڵەی سەرەتادا ڕوبەڕوی شۆڕشێکی وەرزشیی ستیفانۆس تسیتسیباسی یۆنانی بووەوە، کۆمەڵەی یەکەمی بە ئەنجامی (6-7) و کۆمەڵەی دووەمی بە ئەنجامی (2-6) دۆڕاند، بەڵام لە کۆمەڵەی سێیەمەوە یاریزانە سڕبییەکە تواناکانی خۆی پیشانی ڕکابەرەکەیدا و توانی سەرکەوتنێکی گەورە تۆماربکات.
🇷🇸 Djokovic Jubilation 🇷🇸@DjokerNole lands Grand Slam title No.19 and his second in Paris, defeating Tsitsipas 6-7(6), 2-6, 6-3, 6-2, 6-4.#RolandGarros pic.twitter.com/lsG64N0s9q
— Roland-Garros (@rolandgarros) June 13, 2021
دیۆکۆڤیچی یەکەمی ڕیزبەندی یاریزانە پیشوەرەکانی جیهان، کۆمەڵەی سێیەمی بە ئەنجامی (6-3) و کۆمەڵەی چوارەم (6-2)، کۆمەڵەی پێنجەمی یەکلاکەرەوەشی بە ئەنجامی (6-4) لەبەرژەوەندی خۆی کۆتایی پێهێنا و بردنەوەی تۆمارکرد.
دووەمجارە لە مێژووی یاریکردنیدا، نۆڤاک دیۆکۆڤیچ ناسناوی ڕۆلاند گارۆس دەچنێتەوە، بەوەش دەبێتە تاکە یاریزان لە مێژووی تێنسی سەرزەوی دووجار هەر چوار ناسناوە گەورەکەی “گراند سلام” بەدەستدەهێنێت.
Sealed with a Coupe des Mousquetaires kiss 😘#RolandGarros | @DjokerNole pic.twitter.com/BO7vhM2mKw
— Roland-Garros (@rolandgarros) June 13, 2021
