ڕۆژنامەنوسێکی هۆڵەندی: بە فەرمانی تورکیا لە فڕۆکەخانەی هەولێر ڕاگیراوین

ڕۆژنامەنووسێکی هۆڵەندی بەناوی Frederike Geerdink دەڵێت، “ئەمڕۆ بە فەرمانی تورکیا لە فڕۆکەخانەی هەولێر ڕێگریم لێکرا و بڕیارە بمگەڕێننەوە”.

ڕۆژنامەنووسەکە پێشتر چەندین ڕاپۆرتی لەسەر پێشێلکارییەکانی سوپای تورکیا بڵاوکردووەتەوە و لە پێناسەی خۆشیدا نوسیویەتی لە نزیکەوە پەکەکە دەناسێت.

فریدریک بە تۆڕی میدیایی ئێستای ڕاگەیاند، “هیچیان بە ئێمە نەوتووە کە بۆچی لە فڕۆکەخانە ڕاگیراوین، من و زیاتر لە 20 کەسی دیکە لە فڕۆکەخانە دەستبەسەر کراوین، و لە ماوەیەکی نزیکدا لە کۆنگرەیەکی ڕۆژنامەوانیدا باسی ئەو ڕێگرییە دەکەین”.

Image

ئەوە لە کاتێکدایە هەر ئەمڕۆ شاندێك، كە بەمەبەستی گەیاندنی پەیامی ئاشتی و دژی شەڕ، دەیویست بگاتە هەولێر، لە فڕۆكەخانە لەلایەن پۆلیسی ئەڵمانیاوە ڕێگریی لێدەكرێت، قسەی جیاواز لەسەر ئەوە دەكرێت ئەندامێكی شاندەكە لە فڕۆكەخانەی هەولێر دەستگیركرابێت.

ئەو شاندەی لە ئەڵمانیاوە بەنیازی گەشت بوون بۆ هەولێر، لە 27 كەس پێكهاتبوو، لە فڕۆكەخانەی دۆسلدۆرف لەلایەن هێزەكانی پۆلیسی ئەڵمانیاوە ڕێگرییان لێكرا.

ئاژانسی هەواڵی فورات نیوز – ANF بڵاویكردەوە، پۆلیسی ئەڵمانیا جگە لە ڕێگریکردن لە شاندی ئاشتی، هەر 27 ئەندامی شاندەكەی دەستگیرکردووە و دەستیکردووە بە لێکۆڵینەوە لەگەڵیاندا.

بابەتی پێشتر

(ڤیدیۆ) وێڵز و سویسرا بە گۆڵێک یەکسانبوون

بابەتی دواتر

بافڵ تاڵەبانی: هێرۆ ئیبراهیم ئەحمەد هەم دایک و هەم مامۆستای وانەی ئازادی و مافی مرۆڤ بووە

بابەتی پەیوەندیدار
Total
0
Share