گەرمیان.. مێردمنداڵێك بە ڕووداوی هاتوچۆ گیانی لەدەستدا

ناسنامەی مێردمنداڵەکە نادیارە

پۆلیسی گەرمیان ڕایگەیاند، ئۆتۆمبێلێك منداڵێكی شێلاوە و پاش گەیاندنی بە نەخۆشخانە گیانی گیانی لەدەستداوە

عەلی جەمال، بەرپرسی ڕاگەیاندنی پۆلیسی گەرمیان بڵاویكردەوە، ئێوارەی ئەمڕۆ لە گەڕەکی کەلاری کۆن ئۆتۆمبێلێک لەجۆری ئەڤەلۆن مێردمنداڵێکی شێلاوە و پاش گەیاندنی بە بەشی فریاکەوتنی نەخۆشخانەی شەهید هەژار گیانی لەدەستدا.

دەشڵێت، تائێستا ناسنامەی مێردمنداڵەکە نادیارە. داواش لە کەسوکاری دەکات سەردانی بەشی فریاکەوتنی نەخۆشخانەكە بکەن.

پۆلیس لێکۆڵینەوەی لە ڕووداوەکە دەستپێكردووە و شۆفێری ئۆتۆمبێلەکەش بە بڕیاری دادوەر و بەپێی مادەی 24ی هاتووچۆ بەندکراوە، وەك ئەوەی وتەبێژی پۆلیسی گەرمیان ئاماژەی پێداوە.

بابەتی پێشتر

ئەنجومەنی نوێنەران لیژنەیەكی بۆ پرسی بڕینەوەی دارەكانی سنووری دهۆك ڕاسپارد

بابەتی دواتر

هەمواری دەستوری عێراق بۆ خولی داهاتوو دوادەخرێت

بابەتی پەیوەندیدار
Total
1
Share