میدیاکانی پارتی کرێکارانی کوردستان بڵاویانکردەوە کە لیژنەی ناوچەی کانی ماسێی پارتی دیموکراتی کوردستان فشار لە سێ گوندی ناوچەکە دەکات تاوەکو چۆڵیان بکەن و دانیشتووانی گوندەکەش ناڕەزاییان لەوبارەیەوە دەربڕیوە.
چالاکوانانی ناوچەی کانی ماسێ بە میدیاکانی پەکەکەیان ڕاگەیاندووە، لیژنەی ناوچەی کانی ماسێی پەدەکە، فشاریان خستووەتە سەر دانیشتووانی گوندەکانی ئەدنی، دێرشیش و سەراڕۆ، سەربە شارەدێی کانی ماسیی لە شارۆچکەی ئامێدی بۆ چۆڵکردنی گوندەکانیان.
سەرچاوەکەی پەکەکە باسی لەوەکردووە، لەگەڵ فشارەکانی پارتی دیموکراتی کوردستان فڕۆکەکانی تورکیاش بۆردومانی ئەو ناوچانە دەکەن تاوەکو دانیشتووانەکەی چۆڵیکەن.
ڕاشیگەیاندووە، دانیشتووانی ناوچەکە ناڕەزاییان لەبارەی ئەو هەوڵەی لیژنەی ناوچەی کانی ماسێی پارتی دەربڕیوە، لەبەرامبەردا ناوچەی پارتی هەڕەشەیان لە دانیشتووانی ئەو گوندەکردووە.
