وەزارەتی سامانە سروشتییەكانی هەرێم رایدەگەنێت تا 28ی ئەم مانگە زیاتر لە 215 هەزار خێزان لە وەرگرتنی نەوتی سپی سوودمەندبوون.
بەپێی راگەیەندراوێكی فەرمانگەی میدیا و زانیاریی حكومەتی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، كە زیاتر لە 43 ملیۆن لیتر نەوتی سپی دابەشكراوە و زیاتر لە 215 هەزار خێزان سوودمەندبوون.
لە راگەیەندراوەكەدا هاتووە تاوەكو ئێستا 215 هەزار و 789 خێزان لە وەرگرتنی نەوتی سپی سوودمەندبوون و لە سنووری
پارێزگای هەولێر، 12 ملیۆن و 813 هەزار و 200 لیتر نەوتی سپی دابەشكراوە كە 64 هەزار و 66 خێزان سوودمەندبوون، لە سنووری پارێزگای دهۆك، 11 ملیۆن و 517 هەزار و 600 لیتر نەوتی سپی دابەشكراوە و 57 هەزار و 588 خێزان، سوودمەندبوون.
ئاماژە بۆ ئەوەش كراوە، لە سنووری پارێزگاكانی سلێمانی و هەڵەبجەش 18 ملیۆن و 828 هەزار و 800 لیتر نەوتی سپی دابەشكراوە و 94 هەزار و 144 خێزان سوودمەندبوون.
