وەزارەتی پەروەردەی هەرێم لە گشتاندنێكدا كە ئاراستەی بەڕێوەبەرایەتییەكانی پەروەردەی سەرجەم پارێزگا و ئیدارە سەربەخۆكانی كردووە داوا دەكات، لە رۆژانی بەڕێوەچوونی پڕۆسەی سەرژمێریی دانیشتووان، رەچاوی دەوامی مامۆستایان بكرێت بۆ ئەوەی پڕۆسەكە بە سەركەوتوویی ئەنجامبدرێت.
بەپێی نووسراوێكی وەزارەتی پەروەردە كە وێنەیەكی دەست تۆڕی میدیایی ئێستا كەوتووە و تێیدا هاتووە، لەو رۆژانەدا بە تەواویی هاوكاری مامۆستایان بكرێت و رەچاوی هۆكاری نائامادەبوونیان بكرێت لە كاتی سەردانی لیژنەی هەڵسەنگاندنی دەرەكی بۆ خوێندنگەكان و هەڵسەنگاندنەكان دوابخرێن تا كاتی گەڕانەوەیان بۆ دەوام.
وەزارەتی پەروەردەی هەرێم داواشدەكات، رۆژانی نائامادەبوونی ئەو مامۆستایانەی كە لە كاری گەمارۆسازی و ژمارەدانانی سەرژمێری لە ماوەی رابردوودا بەشداریان كردووە، بە مۆڵەت هەژمار نەكرێت.
