حزبی دیموکراتی کوردستانی ئێران کوژرانی دوو پێشمەرگەیی ڕاگەیاند

ئەو دوو پێشمەرگەیەی لە ڕوبەڕوبوونەوەکاندا کوژراون

حزبی دیموکراتی کوردستانی ئێران لە ڕاگەیەندراوێکدا کوژرانی دوو پێشمەرگەیی خۆی لە نێوان بۆکان و مهابادا ڕاگەیاند.

لە ڕاگەیەندراوێکدا حزبی دیموکراتی کوردستانی ئێران (حدکا) ئاشکرایکردووە، ” له‌ ڕۆژانی ڕابردوودا دەستەیەک لە پێشمەرگەکانی شار و شاخ بە مەبەستی پەیوەندی لەگەڵ کۆمەڵانی خەڵکی ناوچەکانی بۆکان و مه‌هاباد، سەردانی ناوچەی شاروێرانی مەهابادیان کردووە و کاتژمێر 1:30 خولەکی بەیانیی پێنجشەممە،  چەکدارە دژی گەلییەکانی کۆماری ئیسلامی لە سێڕێیانی بورهان لە نێوان ئاواییەکانی بەردەمێش، زگدڕاو و قەرەبڵاغ بۆسە دادەنێنەوە و ته‌قه‌ له‌ تیمه‌كه‌ ده‌كه‌ن، کە پێشمەرگەکان بەمەبەستی پارێزگاری لەخۆیان ڕوبەڕویان بوونەتەوە”.

حدکا ئاشکرایکردووە، ” بەداخەوە لە ئاکامی تێکهەڵچوونەکەدا پێشمەرگەی شاخ “ئەنوەر نەسیریی چیانە” ناسراو بە “سمکۆ مەحمەڵ” و پێشمەرگەی شار “هاوڕێ سوهراب خەدیریپوور” ناسراو بە “شاخەوان” خەڵکی شاری مەهاباد شەهید بوون”.

ئاماژە بەوەشکراوە، لە تێکهه‌ڵچوونێکی بەرگریکارانەی کورت ماوەدا چەند چەکداری هێزەئەمنییەکانی ئێران کوژراون و بریندار بوون.

بابەتی پێشتر

هاتوچۆی هەولێر: شۆفێرێکی ژن هەڕەشەی لە کارمەندێکمان کردووە سەرپێچی بۆ نەنوسێت

بابەتی دواتر

پارێزگاری هەولێر: هەرکەسێک لە هەر پلە و پۆستێکدا بێڕێزی بە کارمەندانمان بکات سزای توند دەدرێت

بابەتی پەیوەندیدار