پاش كۆبوونەوەی نێوان لیژنە هەماهەنگیی سەربازیی نێوان عێراق و هەرێم، ئۆپراسیۆنە هاوبەشەكانی عێراق ئاشكرایكرد، ڕێككەوتوون لەسەر كردنەوەی بنكەی هەماهەنگیی ئەمنیی هاوبەش لە هەولێر و بەغداد.
لە بەیاننامەی دوای کۆبوونەوەی نێوان شاندی وەزارەتی پێشمەرگە و وەزارەتی بەرگری عێراقدا هاتووە، “ئەمڕۆ لە سێهەمین کۆبوونەوەی هاوبەشی هەردوولادا گفتوگۆکرا سەبارەت بە چۆنیەتی ئیدارەدانی ناوچەی پێکگەیشتنی نێوان سوپای عێراق و پێشمەرگە و چۆنیەتی ڕوبەڕوبونەوەی مەترسییە ئەمنییەکان لەو ناوچەیە بە تایبەت چالاکی ناوبەناوی ڕێکخراوی چەکداری داعش”.
بەپێی ڕاگەیەنراوی کۆتایی کۆبوونەوەکە لە نێوان وەزارەتی پێشمەرگە و سوپای عێراقدا ڕێککەوتن کراوە کە دوو ناوەندی هەماهەنگی سەربازی لە بەغداد و هەولێر دابمەزرێندرێت و هەروەها لە سنوری هەردوو هێزدا هەماهەنگی سەربازی و ئۆپراسیۆنی هاوبەش هەبێت”.
ڕاگەیەنراوی کۆبوونەوەکە ئاشکرایکردووە، “میکانزمی کاری هاوبەش لە سنوری دیالە واژووی لەسەر کراوە بۆ چۆنیەتی بەڕێوەبردنی بازگەکانی ناوچەکە و هەروەها پێدانی زانیاری ئەمنی سەربازی بۆ ڕوبەڕووبونەوەی مەترسییەکانی تیرۆر”.
ئەم ڕێککەوتنانەی وەزارەتی پێشمەرگە و حکومەتی عێراقی لەدوای چەند کۆبوونەوەیەک لە نێوان هەردوولادا هاتە هاتەئاراوە.
