سەرۆکایەتی ڕیاڵ مەدرید لە هاوینی 2021 پێکهاتەی یانەکە نوێدەکەنەوە و بۆ ئەو مەبەستەش 10 یاریزانیان خستووەتە لیستی فرۆشتنەوە.
ڕۆژنامەی “ئاس”ی مەدریدی بڵاویکردووەتەوە، لەپێناو نوێکردنەوەی پێکهاتەی یانە و بەخشینی گڕوتینێکی نوێ بۆ وەرزی 2021/20222، لە میرکاتۆی هاوینی 2021 فلۆرنتینۆ پێرێزی سەرۆکی ڕیاڵ مەدرید و هاوکارانی هەوڵی دابینکردنی چەند یاریزانێکی گەورە و گرانبەهادەدەن.
سەرچاوەکە ئاماژەی بە ئەگەرەکانی کڕینی کیلیان مباپێ و ئێرلینگ هالاند و داڤید ئالابا کردووە، کە سەرجەمیان یاریزانی گرانبەهان و واژووکردنی بۆندەکانیان زیاتر لە 200 ملیۆنی پێویست دەبێت.
ئاس نوسیویەتی، بۆ کۆکردنەوەی تێچووی گواستنەوەکان، هەروەها ڕێکخستنەوەی سەقفی موچەی یاریزانان، پێرێز و میگێل ئانخێل سانچێزی بەڕێوەبەری جێبەجێکار لیستێک یاریزانیان بۆ فرۆشتن دەستنیشانکردووە، دەکرێت لەم ڕێگەیەوە چەندین کەلێنی دارایی پڕبکەنەوە و لەدوای ماڵئاواییکردنی زێدان ڕاهێنەری نوێ بڕیاریان لەبارەوە دەدات.
یاریزانەکان پێکهاتوون لە: ئیدین هازارد، ڕافائێل ڤاران، گاریس بەیل، مارکۆ ئاسینسیۆ، لوکا یوڤیچ، ئیسکۆ ئالارکۆن، مارسێلۆ، دانی سیبایۆس، ماریانۆ دیاز، بۆرخا مایوڕاڵ.
ئەگەر هەیە لە داهاتوودا ڕاهێنەری نوێ ڕێگە بە فرۆشتنی هەندێک لەم ناوانە نەدات، یاخود هۆکاربێت بۆ ئاسان فرۆشتنی هەندێکی دیکەیان.
