كۆمسیۆنی هەڵبژاردن دەرگای پێشكەشكردن بۆ كارمەندانی ڕۆژی دەنگدان دەكاتەوە

چەند مەرجێك دیاریكراون و هەڵبژاردنیشیان بە تیروپشك دەبێت

كۆمسیۆنی هەڵبژاردنەكانی عێراق دەرگای خۆتۆماركردن بۆ كارمەندانی ڕۆژی دەنگدان دەكاتەوە، بەرپرسێكی كۆمسیۆنیش دەڵێت، چەند مەرجێك دیاریكراون و هەڵبژاردنیشیان بە تیروپشك دەبێت.

ئەحمەد مازن، بەرپرسی ڕاگەیاندنی نوسینگەی هەولێری كۆمسیۆنی باڵای سەربەخۆی هەڵبژاردنەكان، ئەمڕۆ دووشەممە بە تۆڕی میدیایی ئێستای وت، كۆمسیۆنی باڵای سەربەخۆی هەڵبژاردنەكان كردنەوەی دەرگای پێشكەشكردن بۆ كاركردن وەك كارمەندی ڕۆژی دەنگدان ڕاگەیاند بۆ هەڵبژاردنی ئەنجومەنی نوێنەرانی عێراق بۆ ساڵی 2021.

وتیشی، “پێشكەشكردن لەڕێی فۆڕمێكی ئەلیكترۆنییەوە دەبێت و لە 23ی ئەم مانگەوە دەستپێدەكات، كۆمسیۆن چەند توێژ و تەمەنێكی بۆ ئەو مەبەستە دیاریكردووە”.

مازن ئەوەشی ڕوونكردەوە، فەرمانبەرانی دامودەزگاكانی دەوڵەت و دەرچووانی زانكۆ و پەیمانگا و خوێندنگاكان دەتوانن فۆڕمەكە پڕبكەنەوە.

دەربارەی مەرجەكانی پێشكەشكردنیش ئەوەی خستەڕوو، پێویستە بڕوانامەیان لە ئامادەیی كەمتر نەبێت و تەمەنیشیان لە 19 ساڵ كەمتر و لە 56 ساڵ زیاتر نەبێت.

بەرپرسەكەی كۆمسیۆن ئاماژەی بەوەشكرد، هەڵبژاردنی كارمەندان لەڕێی تیروپشكەوە دەبێت، كە لە نوسینگەی نیشتمانی ئەنجامدەدرێت و بڵاوكردنەوە و دانانیشیان بەپێی دوور و نزیكیی ناوەندەكانی دەنگدان دەبێت لە ماڵەكانیان.

خوازیاران دەتوانن لە بەرواری دیاریكراوەوە لەم لینكەوە (ihec.iq) ناوی خۆیان تۆماربكەن.

بابەتی پێشتر

دزێک دوای پێنج کاتژمێر چاوەڕێکردن هێرشیکردووەتە سەر خاوەن نوسینگەیەکی دراو

بابەتی دواتر

ئاماری نوێی كۆرۆنا.. سلێمانی لە توشبوون و گیانلەدەستداندا هەڵكشا

بابەتی پەیوەندیدار
زیاتر ببینە

دژەتیرۆر: سەرەداوی وردمان لەبارەی ڕووداوەکانی 48 کاتژمێری ڕابردووی سلێمانی دەستکەوتووە

بەڕێوەبەرایەتیی گشتیی دژەتیرۆری سلێمانی لەبارەی ڕووداوەکانی 48 کاتژمێری ڕابردووی شارەکە ڕایگەیاند، سەرەداوی وردیان دەستکەوتووە و جەختیکردەوە هیچ پیلانگێڕییەک…
زیاتر ببینە

بەنزینەكەی بەغداد گەیشتە سلێمانی

وتەبێژی بەنزینخانەكانی سلێمانی ڕایگەیاند، بەنزینە 690 دینارییەكەی بەغداد ئەمڕۆ جارێكی دیكە گەیشتەوە سلێمانی. بەهمەن شێخ قادر، وتەبێژی بەنزینخانەكانی…