نوێنەری گشتیی مامۆستایانی گرێبەست رایدەگەیەنێت، سبەی چوارشەممە، شایستەی دارایی مانگی 5ی وانەبێژان لە پارێزگاكانی سلێمانی و هەڵەبجە دابەشدەكرێت.
عەلی رەئووف، نوێنەری گشتیی مامۆستایانی گرێبەست لە لێدوانێكدا بە تۆڕی میدیایی ئێستای راگەیاند، هەرچەندە بڕیاربوو هەفتەی داهاتوو شایستەی دارایی وانەبێژان بۆ مانگی 5ی ئەمساڵ دابەشبكرێت، بەڵام كاتەكەی پێشخراوە و سبەی چوارشەممە شایستەی دارایی وانەبێژان بۆ مانگی 5، لە سنووری سەرجەم پەروەردەكانی هەردوو پارێزگای سلێمانی و هەڵەبجە دابەشدەكرێت.
وتیشی، “شایستە داراییەكەیان بەپێی رێنمایی ژمارە 14ی وەزارەتی دارایی خەرجدەكرێت و لە هەوڵداین لە پەروەردەكانی هەولێر و دهۆك ئەو شایستە داراییە خەرجبكرێت”.
