پۆلیسی ڕاپەڕین دەنگۆی هەڵاتنی سلێمان هەڵشۆیی ڕەتدەکاتەوە

بەڕێوەبەرایەتیی پۆلیسی ڕاپەڕین ئەو دەنگۆیانەی ڕەتکردەوە، کە باس لە هەڵاتنی سلێمان هەڵشۆیی دەکەن لە زیندان، ڕایگەیاند، ناوبراو لەئێستادا لە گرتن و گواستنەوەی ڕاپەڕینە و لێکۆڵینەوە لەگەڵیدا بەردەوامە.

لە ماوەی ڕابردوودا لە تۆڕە کۆمەڵایەتییەکان دەنگۆی هەڵاتنی سلێمانی هەڵشۆیی لە زیندان بڵاوبووەوە، ئەمەش نیگەرانی و دڵەڕاوکێی لای ئەو کەسانە دروستکرد، کە مامەڵەیان لەگەڵدا كردووە و پارە و موڵکیان پێداوە.

لەو بارەیەوە بەڕێوەبەرایەتیی پۆلیسی ڕاپەڕین لە ڕاگەیەندراوێکدا بڵاویکردەوە، “لەلایەن بەشی یاسایی بەڕێوەبەرایەتیمان، سکاڵای یاسایی تۆمار دەکەین لەدژی خاوەنی ئەو پەیج و ئەکاونتانەی دەنگۆ و هەواڵی ناڕاست بڵاودەکەنەوە بۆ مەرامی تایبەتی خۆیان”.

پۆلیسی ڕاپەڕین دەڵێت، “سلێمان هەڵشۆیی بەبڕیاری دادوەر بەپێی ماددەی 456 لە یاسای سزادانی عێراقی ڕاگیراوە و لەئێستاشدا لە گرتن و گواستنەوەی ڕاپەڕینە و تەندروستیی زۆر باشە، لێکۆڵینەوەش لەگەڵیدا بەردەوامە”.

بابەتی پێشتر

 گەرمیان.. لەڕۆژانی جەژندا 623 کەس سەردانی نەخۆشخانەیان کردووە و سێ کەس گیانیان لەدەستداوە

بابەتی دواتر

پێشمەرگەیەك لە ئاوی دوكاندا خنكا

بابەتی پەیوەندیدار
Total
1
Share