كۆمسیۆنی مافەكانی مرۆڤ: ئازادی ڕادەربڕین لە هەرێمی كوردستان لە پاشەكشەدایە

كۆمسیۆنی سامی مافەكانی مرۆڤ ئیدانەی پاشەكشەی ئازادیی ڕادەربڕین لە هەرێمی كوردستان دەكات و دەڵێت، 33 ڕۆژنامەنوس و چالاكوان بەشێوەی هەڕەمەكی دەستگیركراون.

ڕاپۆرتێكی كۆمسیۆنی سامی مافەكانی مرۆڤ ئاماژە بە تۆماركردنی “دۆخێكی نیگەران ئامێز” لەنێوان ئازاری 2020 تا نیسانی 2021 لە هەرێمی كوردستان دەكات كە ڕوبەڕووی ڕۆژنامەنوس و چالاكوانانی بواری مافەكانی مرۆڤ و چالاكوانان دەبێتەوە لە ترساندن و هەڕەشە و پەلامار و دەستگیر و دەستبەسەركردنی هەڕەمەكی.

ڕاپۆرتەكە باس لە 33 حاڵەتی دەستگیركردنی ڕۆژنامەنوس و چالاكوان و بەرگریكارانی مافەكانی مرۆڤ دەكات لەو ماوەیەدا “بەشێوەیەكی هەڕەمەكی و بەبێ ئاگاداركردنەوەیان لەبارەی هۆكاری دەستگیركردنیان و بەبێ ئاگاداركردنەوەی خێزانەكانیان لەكاتی پێویستدا دەربارەی شوێنی دەستگیركردنیان”، ئاماژە بەوەشدەكات ئەو دۆخە كەشی تۆقاندنی دروستكردووە.

ئاشكراشیدەكات، لەنێو ئەوانەدا كەسانێك هەن كە ئازادكراون، بەڵام لانیكەم لە دوو حاڵەتدا، تۆمەت ئاراستەی ڕۆژنامەنوسان و بەرگریكارانی مافەكانی مرۆڤ كراوە و، دواتر بە كەفالەت ئازادكراون، بەڵام دواتر بە تۆمەتی دیكە دەستگیركراونەتەوە.

ڕاپۆرتەكە پاش زیاتر لە هەفتەیەك دێت بەسەر پەسەندكردنی سزای زیندانیكردنی سێ ڕۆژنامەنوس و دوو چالاكوان لەلایەن دادگای پێداچوونەوە، بە تۆمەتی “هاندانی خۆپیشاندان و سیخوڕی دژ بە حكومەت و تێكدانی سەقامگیری هەرێم” وەك ئەوەی لە ڕاپۆرتەكەدا هاتووە و دووپاتیشیدەكاتەوە، دەسەڵاتی هەرێم باس لەوەدەكەن كە “تۆمەتباران بەشێك لە پلانگێڕی و هەوڵی تێكدان”.

بابەتی پێشتر

عێراق.. لەو هاوڵاتییانەی لە هیندستانەوە گەڕێنراونەتەوە، 110 توشبووی كۆرۆنا هەن

بابەتی دواتر

نوێترین ئاماری قوربانیانی شەڕی فەڵەستین و ئیسرائیل

بابەتی پەیوەندیدار
زیاتر ببینە

ئەندامانی فراکسیۆنی یەکێتی لە ئەنجومەنی نوێنەران بۆ دەنگدان بە پارێزگابوونی هەڵەبجە کۆنگرە بەجێدەهێڵن

ئەندامێکی فراکسیۆنی یەکێتی لە ئەنجومەنی نوێنەرانی عێراق رایگەیاند، سبەینێ شەممە بە مەبەستی دەنگدان لەسەر بەپارێزگابوونی هەڵەبجە کۆنگرە جێدەهێڵن…
زیاتر ببینە

بۆردی راگەیاندنی یەكێتی بۆ سەرۆکی نەوەی نوێ: “پەتی درۆ زۆر کورتە” و دەستی دزەکە کەشف بوو

سەرچاوەیەك لە بۆردی راگەیاندنی یەکێتیی نیشتمانیی کوردستان لەسەر كۆنگرە رۆژنامەوانیەكەی (شاسوار عەبدولواحید) سەبارەت بە بڕیارەکانی دادگای فیدڕاڵی، رایگەیاند،…
Total
0
Share