نرخی نەوت بۆ ئەمڕۆ چوارشەممە، بەراورد بە نرخی داخستنی بازاڕی نەوت بەرزبووەوە و هۆکارەکەشی بۆ کەمبوونەوەی ئاستی یەدەگی نەوتی ئەمریکا و پێشبینییەکان بۆ بەرزبوونەوەی خواست لەسەر وزە دەگەڕێتەوە.
نرخی بەرمیلێک نەوتی خاوی برێنت ئەمڕۆ بە بڕی زیاتر لە 50 سەنت و ڕێژەی 0.82% بەرزبووەوە و گەیشتە 69.11 دۆلار.
هەروەها نرخی بەرمیلێک نەوتی خاوی تەکساس بەبڕی نزیكەی 60 سەنت و ڕێژەی 0.92% بەرزبووەوە و گەیشتە 65.81 دۆلار.
هۆکارەکەی بۆ ئەو داتایانە دەگەڕێتەوە کە کۆمەڵەی پیشەسازی لە پەیمانگای پێترۆڵی ئەمریکی بڵاویکردەوە و ڕایگەیاند، ئاستی یەدەگی نەوتی ئەمریکا بە بڕی 2.5 ملیۆن بەرمیل نەوت دابەزیووە.
