پەروەردەی سلێمانی ڕەخنە لە بڕیارێكی شارەوانی دەگرێت بۆ فرۆشتنی بینای چەند خوێندنگەیەك

بەڕێوەبەری گشتیی پەروەردەی سلێمانی ڕەخنە لە هەوڵێكی وەزارەتی شارەوانی دەگرێت، كە بێ ئاگاداركردنەوەیان، بڕیاری فرۆشتی شەش خوێندنگەی شارەكەی داوە.

دڵشاد عومەر، بەڕێوەبەری گشتیی پەروەردەی سلێمانی بە تۆڕی میدیایی ئێستای ڕاگەیاند، “بێ ئاگاداریی ئێمە، شارەوانیی سلێمانی لە سەرەتای ئەم مانگەدا زیادكردنی ئاشكرای كردبوو بۆ ئەو خوێندنگایانە، تا بفرۆشرێن”.

ڕونیشكردەوە، كاتێك لە ڕۆژی 3ی مانگدا بە پرسەكەیان زانیوە، دوای ئاگاداركردنەوەی وەزارەتەكانی شارەوانی و پەروەردە، بڕیاری فرۆشتنەكە هەڵوەشێنرایەوە.

بەڕێوەبەری گشتیی پەروەردەی سلێمانی دەشڵێت، بۆ ئەو حاڵەتانە پێویستە پێشتر ئاگاداربكرێنەوە، “ئێمە دەزانین چ شوێنێكمان پێویستە یاخود نا، چونكە خوێندنگەمان هەیە، بەهۆی ئەوەی دەزانین دەڕوخێت، پێنج ساڵە داخراوە، ئەوە دەكرێت دوای ڕەزامەندی بفرۆشرێن و پارەكەی بۆ خزمەتی پرۆسەی پەروەردە بەكاربهێنرێت، دواتریش لە گەڕەكە نوێكان بكرێنە خوێندنگا”.

دڵشاد عومەر دوپاتیكردەوە، ئەوان پێویستیان بە خوێندنگە هەیە، ساڵانە بەهۆی فراوان بوونی شار و دروستبوونی گەڕەكی نوێ، پێویستیان بە 20 بینای خوێندنگە هەیە.

بابەتی پێشتر

وادەی دادگاییكردنی دوو دەستگیركراوی دیكەی بادینان دیاریكرا

بابەتی دواتر

یەكێتیی ئەوروپا داوا لە حكومەتی هەرێم دەكات پابەندی مافەكانی مرۆڤ بێت

بابەتی پەیوەندیدار
Total
1
Share