وتەبێژی بەرێوەبەرایەتیی هاتوچۆی هەولێر رایدەگەیەنێت لە رووداوێكی هاتوچۆدا لەسەر رێگەی سەرەكی هەولێر- گوێر، بەهۆی تیژڕەوییەوە كۆنترۆڵی لەدەستدا و چووە دیوەكەی تری رێگەكە و خۆی كێشاوە بە بارھەڵگرێكدا، بەهۆیەوە دوو كەس گیانیان لەدەستدا.
فازڵ حاجی وتەبێژی بەرێوەبەرایەتیی هاتوچۆی هەولێر رایگەیاند، پاشنیوەڕۆی ئەمڕۆ یەكشەممە، لەسەر رێگەی سەرەكیی ھەولێر- گوێر، ئۆتۆمبێلێك لە جۆری ھیۆندای تۆكسۆن بەھۆی تیژڕەوییەوە كۆنترۆڵی لەدەستدا و چووە دیوەكەی تری رێگەكە و خۆی كێشاوە بە بارهەڵگرێكدا.
ئاشكراشیكرد، لە دەرەنجامی رووداوەكەش شوفێر و سەرنشینێكی ئۆتۆمبێلی هیۆندایەكە گیانیان لەدەستدا.
