هاوپەیمانیی نێودەوڵەتی ڕایدەگەیەنێت، لەم مانگەدا لە سوریا و عێراق 13 ئۆپەراسیۆنیان لە دژی داعش ئەنجامداوە و 13 كردەی تیرۆرستیان پوچەڵكردووەتەوە.
وەین مارۆتۆ، وتەبێژی هاوپەیمانیی نێودەوڵەتیی دژی داعش لە تویتێکدا نوسیویەتی، تەنها لەم مانگەدا، هاوپەیمانی نێودەوڵەتی بۆ شەڕی دژی داعش و هاوبەشەکانی لە عێراق و سوریا، 13 ئۆپەراسیۆنیان لە دژی داعش ئەنجامداوە.
ئاماژەی بەوەشكردووە، هاوپەیمانان ڕێگربوون لە ئەنجامدانی 13 کردەی تیرۆرستی لەلایەن داعشەوە.
وتەبێژی هاوپەیمانیی نێودەوڵەتیی دژی داعش داواش دەکات هەر زانیارییەک لەسەر جموجۆڵی چەکدارانی داعش هەبوو، ئاگاداریان بکەنەوە
ئەو بەرپرسەی هاوپەیمانان دەڵێت، “هاوکارمان بە بۆ لەناوبردنی داعش وزانیاری دەربارەیان بنێرە بۆ 454 لە عێراق، و 9647512451273+ لە سوریا”.
