هاوسەرۆكانی یەكێتی لەگەڵ شاندێكی باڵای بەریتانیا كۆبوونەوە

كۆبوونەوەی هاوسەرۆكانی یەكێتی لەگەڵ شاندی بەریتانیا

هاوسەرۆكانی یەكێتی لەگەڵ شاندێكی باڵای بەریتانیا كۆبوونەوە، مەترسییەكانی داعش و پێویستیی هەماهەنگی نێوان پێشمەرگە و هێزە سەربازییەكانی شانشینی یەكگرتوو تاوتوێكرا.

بافڵ تاڵەبانی و لاهور شێخ جەنگی هاوسەرۆکانی یەکێتیی نیشتیمانیی کوردستان ئەمڕۆ چوارشەممە لە بارەگای مەکتەبی سیاسی لە هەولێر، پێشوازییان کرد له‌ مارشاڵ سامیوڵ سامپسۆن گه‌وره‌ ڕاوێژکاری به‌رگریی بەریتانیا بۆ ڕۆژهه‌ڵاتی ناوه‌ڕاست و باکووری ئەفریقا، ستیفن هیکی باڵیۆزی به‌ریتانیا له‌ عێراق، جەیمس سۆرنتن کونسوڵی گشتیی بەریتانیا لە هەرێمی کوردستان و وەفدێکی یاوه‌ریان.

له‌ دیدارێکدا، گفتوگۆکرا لەبارەی دوایین پێشهات و گۆڕانکارییەکانی تایبەت بە دۆخی سیاسی و ئاڵنگارییە ئەمنییەکان و بەردەوامیی مه‌ترسييه‌كانی داعش لە عێراق و هەرێمی کوردستان و پتەوکردنی پەیوەندییەکان لەگەڵ بەریتانیا، بە تایبەت لەڕووی هاریکاریی سەربازییەوە.

بەپێی ڕاگەیەندراوێكی كۆبوونەوەكە، هاوسەرۆکان بۆچوون و سەرنجی خۆیان لەبارەی شانە نوستووەکانی داعش و جموجۆڵەکانیان و ڕێوشوێنەکانی ڕوبه‌ڕوبوونه‌وه‌یان خستەڕوو، جەختیشیان لەسەر کاری هاوبەش و پێکەوەیی و هەماهەنگیی نێوان هێزەکانی پێشمەرگە و سوپاى عێراق کردەووە، بە پشتیوانیی هێزه‌كانى هاوپه‌يمانان، به‌تايبه‌تى له کەرکوک و‌ ناوچە دابڕێندراوەکان، کە بۆشايى ئه‌منييان هه‌يه‌.

هاوسەرۆکان ئاماژەیان بۆ گرنگی و پێویستی بەردەوامیی هاریکارییە سەربازییەکان و ئەرکی هاوپه‌يمانيى نێوده‌وڵه‌تی لە عێراق و هەرێمی کوردستان کردەوە بۆ لەناوبردنی تەواوی چەکدارانی داعش و دوورخستنەوەی مەترسییەکانی تیرۆر و دابینکردنی سەقامگیریی ئەمنی و ئارامی بۆ ناوچەکە.

هەروەها سوپاسی گەل و حکومەتی به‌ريتانيا و هاوپه‌يمانيى نێوده‌وڵه‌تییان کرد، بۆ پێشکەشکردنی یارمەتی و هاوکاری و پێداویستیی سەربازی و پشتیوانییەکانیان بۆ عێراق و هەرێمی کوردستان و بەردەوامی مەشق و ڕاهێنان بە هێزەکانی پێشمەرگە.

لەبارەی چاکسازی و یەکخستنی هێزەکانی پێشمەرگە، هاوسەرۆکان ئامادەیی و پشتیوانیی سەرۆکایەتیی یەکێتی-یان دووپاتکردەوە، بەوجۆرەی بنەمای یەکسانی و هاوسەنگیی تێدا ڕەچاوبکرێت، خواستی یەکێتییان خستەڕوو بۆ بوونی یەک هێزی پێشمەرگە، کە دووربێت لە هەموو دەستوەردانێک و هەرێمی کوردستانیش ببێت بە خاوەن هێزێکی نیشتیمانیی ڕێکخراو.

هەردوولا هاوڕابوون لەسەر دیاریکردنی پلان و بەرنامەیەکی گونجاو، بۆ بەردەوامیی کاری پێکەوەیی بۆ لەناوبردنی یەکجاریی شانە نوستووەکانی چەکدارانی داعش.

وەفدی میوانیش سوپاسی ڕۆڵ و قارەمانی و قوربانیدانی هێزەکانی پێشمەرگەیان کرد لە شەڕی ڕوبەڕوبوونەوەی تیرۆردا.

لەبارەی پەیوەندییەکانی ھەولێر و بەغدا و پێگەی ھەرێم لە ھاوکێشەکاندا، ھاوسەرۆکان جەختیان لە یەکڕیزیی نیشتمانی و یەکھەڵوێستیی کورد لە بەغداد کردەوە، ئاماژەیان بۆئەوەکرد پێکھێنانی ھاوپەیمانیی کوردستان بۆ ھەڵبژاردنەکانی داھاتووی عێراق لەنێوان یەکێتی و بزووتنەوەی گۆڕان، دەستپێک و ھەنگاوێکی گرنگ بوو بە ئاڕاستەی پاراستنی بەرژەوەندییە باڵاکانی گەلی کورد.

بابەتی پێشتر

یەكێتیی پەرلەمانتارانی كوردستان ڕەخنە لە ڕەوتی جێبەجێكردنی چاكسازی دەگرێت

بابەتی دواتر

نزیكەی هەزار توشبووی كۆرۆنا چاكبوونەوە

بابەتی پەیوەندیدار
زیاتر ببینە

هۆكاری گرانبوونی مریشك ئاشكراكرا..‏ “هەموو شتێك گران بووە و‏ زۆربەی مریشكەكانیش دەمرن”‏

کۆمەڵەی کێڵگە پەلەوەرییەکان لەبارەی گرانبوونی نرخی مریشکەوە ڕوونکردنەوەیەکی بڵاوکردووەتەوە و هۆکارەکانی ئاشکرادەکات، بەپێی ڕوونکردنەوەکە یەکێک لە هۆکارەکان لەناوچوونی…
Total
0
Share