بەڕێوەبەرایەتیی گشتیی کەشناسی و بومەلەرزەزانیی هەرێم پێشبینی دەکات، سبەی شەپۆلێکی بەفر و بارانبارین چەند ناوچەیەکی هەرێمی کوردستان بگرێتەوە.
کەشناسیی هەرێم لە راگەیەندراوێکدا لەبارەی کەشی ئەمڕۆ یەکشەممەوە بڵاویکردووەتەوە، ئاسمان لەنێوان پەڵە هەور و نیمچەهەور دەبێت، لە درەنگانى شەو، کاریگەریى نزمە پاڵەپەستۆى لاوازى دەریاى سوور روو لە ناوچەکەمان دەکات .
لەبارەی پلەکانی گەرماوە دەڵێت، کەمێک بەرزدەبێتەوە یان نزیکدەبێتەوە بەراورد بە تۆمارکراوەکانی دوێنێ .
بەڕێوەبەرایەتییەکە پێشبینییەکانی لەبارەی کەشی سبەی دووشەممە خستووەتەڕوو و باسلەوەدەکات، لە ئەنجامى بەردەوامیى کاریگەریی نزمە پاڵەپەستۆى لاوازى دەریاى سوور لەسەر ناوچەکەمان، پێشبینیى بارانبارین لەگەڵ بەفربارین دەکرێت .
دەشڵێت، کاریگەریى ئەم نزمە پاڵەپەستۆیە لەسەر سنوورى پارێزگاى سلێمانى و ئیدارەکانی راپەڕین و گەرمیان و پارێزگاى هەڵەبجە لەگەڵ بەشێک لە سنوورى پارێزگاى هەولێرە .
بڕى بارانى پێشبینیکراو:
لە سنوورى پارێزگاى هەولێر (1-3) ملم دەبێت
لە سنوورى پارێزگاى سلێمانى (4-8) ملم دەبێت
لە سنوورى پارێزگاى هەڵەبجە (2-3) ملم دەبێت
بڕى بەفرى پێشبینیکراو:
لە سنوورى پارێزگاى سلێمانى (5-7) سم دەبێت.
لە سنوورى پارێزگاى هەولێر (3-5) سم دەبێت .
هاوکات لەبارەی پلەکانی گەرمای سبەی دووشەممەوە، کەشناسیی هەرێم پێشبینی دەکات، لە پارێزگاى سلێمانى، هەڵەبجە و کەرکوک، هەروەها ئیدارەکانى گەرمیان و راپەڕین، بە نزیکەى (8-10) پلەى سیلیزى نزمدەبێتەوە، بەراورد بە تۆمارکراوەکانى ئەمڕۆ.
بەرزترین پلەکانی گەرمای پێشبینیکراو بە پلەی سیلیزی :
هەولێر : 12 پلەى سیلیزى
سلێمانی : 8پلەى سیلیزى
دهۆک : 12 پلەى سیلیزى
کەرکوک : 11 پلەى سیلیزى
زاخۆ : 14پلەى سیلیزى
هەڵەبجە : 5 پلەى سیلیزى
حاجی ئۆمەران : 1 پلەى سیلیزى
سۆران : 9 پلەى سیلیزى
گەرمیان : 10پلەى سیلیزى
