چەند موشەكێك ئاڕاستەی بنكەی سەربازی عەین ئەسەد لە پارێزگای ئەنبار كران.
شانەی ڕاگەیاندنی ئەمنی بڵاویكردەوە، ئەمڕۆ سێشەممە دوو موشەك ئاڕاستەی بنكەی سەربازیی عەین ئەسەد تایبەت بە هێزەكانی ئەمریكا كراوە و لەگۆڕەپانێكی چۆڵی بنكە سەربازییەكە كەوتەخوارەوە.
ڕونیشیكردووەتەوە، هێرشەكە هیچ زیانێكی نەبووە.
لە دوو ڕۆژی ڕابردوودا دوو هێرشی موشەكی كرایەسەر فڕۆكەخانەی بەغداد و بنكەی سەربازی بەلەد لە پارێزگای سەڵاحەدین و تائێستاش هیچ لایەنێك بەفەرمی بەرپرسیارێتی هێرشەكانی نەگرتووەتە ئەستۆ.
