ئەمڕۆ، سێشەممە ڕوبەڕووبوونەوەی گەڕانەوەی قۆناغی نیوەی کۆتایی خولی یانە پاڵەوانەکان لەنێوان یانەکانی مانچستەر سیتی و مانچستەر سیتی ئەنجامدەدرێت.
سیتی گواردیۆلا کاتژمێر (10:00) بەکاتی هەرێمی کوردستان لە یاریگای ئیتیحاد میوانداری یانەی پاریس سان جێرمانی فەرەنسی دەکات، لەم ڕوبەڕووبوونەوەیەدا یانە فەرەنسییەکە پێویستی بە بردنەوە دەبێت بۆ گەیشتن بە یاریی کۆتایی چامپیۆنزلیگ، بەڵام شارنشینەکانی مانچستەر بۆ گەیشتن بە فاینەڵی ئیستانبوڵ پێویستیان بە یەکسانبوون، یان هەر بردنەوەیەک دەبێت، تەنانەت دۆڕاندن بە ئەنجامی (1-0) دەیانگەیەنێتە یاری کۆتایی.
گواردیۆلا لە یاریگای خۆیدا باڵادەستە
گواردیۆلا لە وەرزی 2008/2009وە، واتا لە سەرەتای کارەکانی وەک ڕاهێنەری یانەی بەرشلۆنە 29جار لە یاریگای یانەکانی (بارسا، بایرن، سیتی) لە قۆناغە یەکلاکەرەوەکاندا یاریکردووە (قۆناغی 16 و چارەک و نیوەی کۆتایی).
لە 29 یارییدا پێکهاتەکانی گواردیۆلا 22 بردنەوەیان بەدەستهێناوە، هەروەها سێ دۆڕاندن و چوار یەکسانبوونیان تۆمارکردووە.
یەکێک لە دۆڕاندنەکانی وەک ڕاهێنەری بایرن میونشن لە وەرزی 2013/2014 بەرامبەر ڕیاڵ مەدرید بووە، دۆڕاندنی دووەم بۆ وەرزی 2017/2018 بەرامبەر یانەی بازلی سویسری دەگەڕێتەوە، دۆڕاندنی سێیەمیشی لەهەمان وەرزددا بەرامبەر لیڤەرپوڵ بووە.
بەپێی داتا بەدەستهاتووەکان، ئەنجامەکانی گواردیۆلا لە یاریگای خۆیدا بەرامبەر یانە ڕکابەرەکان باڵادەستی پێوەدیارە، تەنانەت هەندێک لەسەرچاوەکان پاڵپشت بەم داتایانە وەک براوەی یاری نێوان سیتی و پاریس ناوزەندی دەکەن.
بەرشلۆنە:
2008/2009 دوو بردنەوە و یەکسانبوونێک
2009/2010 سێ بردنەوە
2010/2011 دوو بردنەوە و یەکسانبوونێک
2011/2012 دوو بردنەوە و یەکسانبوونێک
بایرن میونشن:
2013/2014 یەکسانبوون، بردنەوە و دۆڕاندنێک
2014/2105 سێ بردنەوە
2015/2016 سێ بردنەوە
مانچستەر سیتی:
2016/2017 بردنەوەیەک
2017/2018 دوو دۆڕاندن
2018/2019 دوو بردنەوە
2019/2020 بردنەوەیەک
2020/2021 دوو بردنەوە
