کەمێک پێش ئێستا لەبەردەم تاوەرەکانی “کواترۆ” MRF لە شاری هەولێر دەستڕێژی گولـلە لە کەسێک کرا و کوژرا.
پەیامنێری تۆڕی میدیایی ئێستا لە هەولێر ڕایگەیاند، ڕوداوەکە دوای کاتژمێر 4:00 ی ئەم ئێوارەیە ڕویداوە و چەند کەسێک لە ئۆتۆمبیلێکەوە تەقەیان لە کەسێک کردووە و کوشتویانە.
بەپێی زانیارییەکان لەگەڵ کوشتنی ئەو کەسەدا کارمەندێکی پاراستنی یەکەکانی نیشتەجێبوونی MRF بریندار بووە.
شایەتحاڵانی ڕوداوەکە ئاماژە بەوەدەکەن لە ناو ئۆتۆمبیلێکەوە دوو کەس تەقەیان کردووە و پاشان دەستڕێژی هەوایشیان کردووە و هەڵاتوون.
تیمەکانی پۆلیس و هێزەئەمنییەکان گەیشتونەتە شوێنی ڕوداوەکە و لێکۆڵینەوە لە ڕوداوەکە دەستی پێکردووە، کە زانیارییە سەرەتاییەکان دەڵێن کێشەکە دوژمنداریی بووە.
