لە ناو شاری دهۆک بەیانیی ئەمڕۆ، دوای دروستبوونی کێشە و ناکۆکی هاوسەری پێشووی خۆی کوشت.
بەپێی راگەیەندراوی پۆلیسی دهۆک، لە کاتژمێر 6:00ی بەرەبەیانی ئەمڕۆ لە گەڕەکی رەزا لە ناوەندی شاری دهۆک، بەهۆی دروستبوونی ناکۆکی لەنێوان ژن و پیاوێک، ژنەکە پیاوەکەی بە چەقۆ کوشتووە.
ئاماژە بەوەکراوە، دوای رووداوەکە دەرکەوتووە، ئەو دووکەسە پێشتر هاوسەری یەکتر بوون و پێش ماوەیەک جیابوونەتەوە.
ژنەکە تەمەنی 23 ساڵە و هاوسەرەکەشی تەمەنی 34 ساڵ بووە، دوای رووداوەکە ژنەکە خۆی رادەستی پۆلیس کردووە.
ئێستا ژنەکە بەپێی یاسا راگیراوە و لێکۆڵینەوە لەگەڵیدا دەستیپێکردووە.
