وەزارەتی تەندروستیی هەرێمی کوردستان ئاماری 24 کاتژمێری ڕابردووی توشبوون و گیانلەدەستدانی بە کۆرۆنا بڵاوکردەوە و بەپێی ئامارەکە 369 کەس تووشی ڤایرۆسەکە بوون و 11 کەسیش گیانیان لەدەستداوە.
لە ڕاگەیەنراوێکدا وەزارەتی تەندروستی ڕایگەیاند، “لە هەولێر 38 کەس تووشی کۆرۆنا بوون، سلێمانی 45 کەس، لە دهۆک 277 کەس و نۆ کەسیش لە هەڵەبجە توشی ڤایرۆسەکە بوون”.
بەپێی ئامارەکە ژمارەی چاکبوونەوە چەند بەرامبەری ژمارەی توشبووانە لە هەرێمی کوردستان.
لە ئامارەکەدا هاتووە چوار کەس لە هەولێر، شەش کەس لە دهۆک و کەسێک لە گەرمیان بە کۆرۆنا گیانیان لەدەستداوە.
بەپێی ئامارە گشتییەکانی وەزارەتی تەندروستیی هەرێمی کوردستان تاوەکو ئێستا 151 هەزار و 257 کەس تووشی کۆرۆنا بوون، لەو ژمارەیە 128 هەزار و 353 کەس چاکبوونەتەوە، چوار هەزار و 32 کەسیش گیانیان لەدەستداوە.
