یەکێک لە سەرەکیترین ئاستەنگەکانی بەردەم ڕۆژووەوانان هەستی تینوێتییە، کە لە وەزی گەرما و نزیکبوونەوەی هاویندا زیاتر دەبێت.
لەڕێی خۆلادانەوە لەم خواردن و خوارنەوانە، دەکرێت تینوێتی بە ڕێژەیەکی بەرچاو کەمبکەیتەوە.
خوێی چێشت
خواردن و خوارندەوەی سوێر پێویستیی جەستە بە ئاو زیاد دەکەن، بۆیە باشتر وایە هێندەی توانا خوێیەکی کەم بکەیتە ناو خواردنەکانەوە و خۆت لە خۆراکە سوێرەکانی وەک ترشیات بەدووربگریت.
بەهارات و توونی
ئەو خواردنانەی ڕێژەیەکی زۆری بەهارات و توونییان تێدایە، لە دواتردا دەبنە هۆی خواردنەوەی ئاوێکی زۆر، چونکە ئاوی دەم و گەروو و هەناویش هەڵدەمژن، بۆیە باشترە گەر ڕۆژووەوان خۆی بەدووربگرێت لێیان.
خواردنەوە کافینییەکان
لە مانگی ڕەمەزاندا پێویستە خواردنەوەی چا و قاوە و جۆرەکانی تری پێکهاتە کافینییەکان کەمبکرێنەوە، چونکە جەستە وشک دەکەنەوە.
خواردنەوە گازییەکان
کاربۆنیان تیدایە و ڕێگەنادەن جەستە سوود لە شلەمەنییەکان ببینێت.
بەرکەوتنی ڕاستەوخۆ بە هەتاو
پێویستە ڕۆژووەوان خۆی لە تیشکی خۆر بەدووربگرێت، تاکو جەستەی وشک نەبێتەوە و تینووی نەبێت.
هەروەها دەتوانیت جلوبەرگێک بپۆشیت کە ڕەنگی کراوە بێت و زوو زوو خۆت بشۆیت، تاکو خۆت لە کاریگەرییەکانی خۆر بپارێزیت.
