بەڕێوەبەرانی یانەی یوڤانتۆس بە کۆی دەنگ ڕەزامەندییان نیشانداوە لەسەر گەڕانەوەی ماسیمیلیانۆ ئالێگری بۆ پۆستی ڕاهێنەر و دوورخستنەوەی ئەندریا پێرلۆ.
تۆڕی “سپۆرت میدیادیت”ی ئیتاڵی لەزاری سەرچاوە ناوخۆییەکانی یانەی یوڤانتۆسەوە ئاشکرایکردووە، لە کۆبوونەوەی ستافی کارگێڕی یانەی یوڤانتۆس بڕیاردراوە لە کۆتایی وەرزدا ئەندریا پێرلۆ لە پۆستی ڕاهێنەری یانە دووربخرێتەوە.
سەرچاوەکە نوسیویەتی، هیچ شتێک پێرلۆ لە دوورخستنەوە ڕزگارناکات، تەنانەت ئەگەر نازناوی جامی ئیتاڵیاش بەدەستبهینێت.
کەناڵەکانی میدیا سیت بڵاویانکردووەتەوە، کە بەرپرسانی “لاڤیکیا سنیۆرا” بە کۆی دەنگ ڕەزامەندییان لەسەر گەڕانەوەی ماسیمیلیانۆ ئالێگری ڕاهێنەری پێشوو دەربڕیوە، کە ماوەی دوو ساڵە بێکارە و حەوانەوەی وەرگرتووە.
لەلایەکی دیکەوە ڕۆژنامەی لاگازێتا دێلۆ سپۆرتی ئیتاڵی نوسیویەتی، ئالێگری دوای پێزانینی بە ئۆفەرە نوێیەکەی یانەی یوڤانتۆس، ڕاستەوخۆ ڕەزامەندی نیشانداوە و چاوەڕوانی کۆتایی وەرز و دوورخستنەوەی پێرلۆیە لە ئێستادا.
