نرخی نەوتی خاو لە بازاڕەكانی جیهاندا بەرزبوونەوەی تۆماركرد و برێنت سنوری 67 دۆلاری تێپەڕاندەوە، پێشبینییە ئەرێنییەكانی خواست لەسەر نەوت، هۆكاری بەرزبوونەوەكەیە.
لەگەڵ كردنەوەی بازاڕە جیهانییەكان، نرخی نەوتی برێنت بە زیاتر لە 67.50 دۆلار مامەڵەی پێوەكرا، بەراورد بە دوێنێ، نزیكەی یەك دۆلار نرخەكەی بەرزبووەتەوە.
خاوی تەكساسیش بە سەروو 64 دۆلار مامەڵەی پێوەدەكرێت و ئەویش نرخەكەی بەرزبووەتەوە.
سەرەڕای ئەوەی چەند ڕۆژی ڕابردوو مەترسییەكانی بڵاوبوونەوەی زنجیرەی ڤایرۆسی كۆرۆنای هیندی، كاریگەریی نەرێنیی لەسەر نرخی نەوت هەبوو، بەڵام بەهۆی ئەوەی پێشبینییەكانی خواست لەسەر نەوت بەئاراستەی زیاتربوون و ئەرێنییە، بۆیە نرخی نەوت لەبازاڕەكانی جیهان بەرزبووەوە.
