ڕاهێنەری یانەی ئینتەرمیلان، ئەنتۆنیۆ کۆنتی پەیامێکی ئاڕاستەی ئیدارەی یانەکەی کردووە و داوادەکات بەر لەدەستپێکی وەرزی نوێ دوو داواکاری بۆ جێبەجێبکەن.
بەپێی ئەو زانیاریانەی لە ڕۆژنامەکانی لاگازێتا و کۆرێری و توتۆ سپۆرتەوە بڵاودەکرێنەوە، کۆنتی لەم وەرزەدا بەرەو نازناوی خولی ئیتاڵیا هەنگاو دەنێت، بەدەستهێنانی “سکۆدیتۆ” دەبێتە کارتێکی بەهێز و بەرامبەر ستیڤن زهانگی سەرۆکی یانە بەکاریدەهێنێت.
ڕاهێنەرە ئیتاڵییەکە لە کۆتا کۆبوونەوەی لەگەڵ بەرپرسانی نێراتزۆری دوو مەرجی خستووەتەسەر مێزی گفتوگۆکردن، یەکەمیان بەرزکردنەوەی موچەکەی بووە و خۆیی بە شایستە زانیوە لە کاتێکدا توانیویەتی نازناوی کالچیۆ بە یانەکە ببەخشێت.
مەرجی دووەمیشی کڕین و گواستنەوەی پێنج یاریزانی نوێیە، ناوی هیچ یەکێک لە داواکراوەکانی ئاشکرانەکردووە و تەنها داوای هەڵوێستی لە سەرۆکایەتی یانەکەی کردووە، بەڵینیشیداوە لە ئەگەری جێبەجێنەکردنی داواکارییەکانیدا و بەتایبەت لە هاوینی 2021 ماڵئاواییان لێبکات.
بەپێی زانیارییەکانی لاگازێتا، کۆنتی لەدەستپێکی کارەکانیەوە لەلایەن وەبەرهێنەرانی چین و خاوەنداریەتی ئینتەرەوە چەندین بەڵێنی پێدراوە، ئەگەر نازناوەکان بچنێتەوە ئامادەدەبن لە گواستنەوەی یاریزاناندا وەبەرهێنانی باشتری بۆ ئەنجامبدەن و لە ئێستادا ڕاهێنەرەک پێی وایە کاتی جێبەجێکردنی بەڵێنەکان هاتووە.
