یەکێتی ئەوروپا بڕیاریداوە لە مانگی داهاتوودا بەڵگەنامەی خۆ کوتان بە ڤاکسینی کۆرۆنا بۆ گەشتکردن لەناو وڵاتانی ئەندامدا کارپێبکات و ببێت بە جۆرێک لە ڤیزا بۆ گەشتکردن.
بڕیارە ئەم بەڵگە نامەیە کە هەندێکجار بە “ڤیزای ڤاکسین” یش ناو دەبرێت جگە لە گەشتی نێوان وڵاتان، بۆ هەندێک لە کۆڕ و کۆبوونەوەکان و چالاکییە کەلتوری و وەزشییەکانیش بەکاربهێنرێت و هەڵگری بەڵگەنامەکە بتوانێت بەشداری کۆڕ و کۆبوونەوەکان بکات.
بەڵگەنامەی ڤاکسینی کۆرۆنا لە 26ی مانگی داهاتوودا لە ئەوروپا کاری پێدەکرێت و بڕیارە لە بەڵگەنامەکەدا جگە لە سەلماندنی خۆ کوتان ڕێژەی توشبوون بە ڤایرۆسەکە و کاتی تێپەڕاندنی تۆمار بکرێت.
بڕیارە بەڵگەنامەی خۆ کوتان بە ڤاکسینەکانی کۆرۆنا ببێتە مەرجی سەرەکی بۆ گەشتکردن و هەندێکجار کارکردن و بەشداریکردن لە بۆنە و کۆبوونەوە قەرەباڵخەکاندا.
حکومەتی هەرێمی کوردستانیش بەڵێنیداوە بە هاوڵاتییان کە، هەر کەسێک خۆی بە ڤاکسینێکی کۆرۆنا بکوتێت، بەڵگەنامەیەکی پێدەدات کە ئەو بە “ڤیزای ڤاکسین” ناوی هێناوە و لە ئایندەدا دەبێتە مەرجی سەرەکی بۆ زۆر بوار.
