ئەمشەو، پێنجشەممە لە چوارچێوەی ڕوبەڕوبوونەوەکانی هەفتەی 31ی خولی پلە یەکی ئیسپانیا، یانەی ئەتلەتیکۆ مەدرید ڕوبەڕوی هوێسکا بووەوە و بردنەوەیەکی گرنگی تۆمارکرد.
ئەتلەتی لە یاریگای واندا میترۆپۆلیتانۆ میوانداری یانەی هوێسکای کرد، یاری نێوانیان بە بردنەوەی ئەستێرەکانی سیمیۆنی بە ئەنجامی (2-0) کۆتاییهات.
گۆڵەکانی ڕۆخی بلانکۆس لە خولەکەکانی 39 و 80 لەلایەن ئەنخێل کۆریا و یانیک کاراسکۆوە تۆمارکران.
https://streamable.com/qc9cr0
بەپێی ئەنجامە تۆمارکراوەکە، ئەتلەتیکۆ لە کۆی 32 ڕوبەڕوبوونەوەی وەرزی 2020/2021 و بە کۆکردنەوەی (73) خاڵ گەڕایەوە لوتکەی ڕیزبەندی یانەکانی لالیگا و بە جیاوازی سێ خاڵ یانەی ڕیاڵ مەدریدی تێپەڕاند، لە بەرانبەردا یانەی هوێسکا بە 27 خاڵەوە لە پلەی 18ی ڕیزبەندی و لەژێر هێڵی سوورەوە نەیتوانی خۆی ڕزگار بکات.
