میدیاکانی وڵاتی بەلجیکا ئاشکرایان کردووە کە لە پێکدادانی دوو لایەندا کە لایەنێکیان باندێکی کوردی بوون، کەسێکی چیچانی کوژراوە.
ڕوداوەکە ڕۆژی هەینی لە شاری لێژی بەلجیکا ڕویداوە، سەرەتا باندە کوردەکە ئەو کەسە چیچانییەیان گرتووە لەناو ئۆتۆمبیلەکەیدا و پاشان تەقەیان لێکردووە و کوشتوویانە.
باندە کوردییەکە ڤیدیۆی خۆیان تۆمارکردووە کە لە شەقێکی شارەکەدا بە چەکی جۆری کڵاشینکۆف تەقە دەکەن و دانیشتوانی ناوچەکە دەترسێنن.
Schokkende beelden uit #Luik. Koerdische en Tsjetsjeense bendes vechten een conflict uit met onder andere kalasjnikovs in de straten van dit land. We moeten stoppen met weg te kijken en NU ageren voor het te laat is. Tijd om dit land op te kuisen en onze mensen te beschermen! pic.twitter.com/1OAMJf6S8N
— Vlaams Belang (@vlbelang) April 17, 2021
ئاژانسی AFP لە زاری دادوەرێکی ئەو شارەوە ئاشکرایکردووە، ناکۆکییەکە لە نێوان باندێکی کوردی و چیچانیدا ڕویداوە و دوای کوشتنی ئەو کەسەش ئێستا ئەگەری هەیە باندە چیچانیەکە بۆ تۆڵەکردنەوە سود لە چەک وەرگرن و بچنە سەر باندە کوردییەکە.
پۆلیسی شارەکە نزیکەی 30 کەسی لە باندەکە دەستگیرکردووە کە زۆرینەیان کوردی باکوری کوردستانن و پۆلیس لەو شوێنانەی گومانی پێکدادانی لێدەکرێت بڵاوەیان پێکراوە.
