هێرشەکانی ئیسرائیل بۆ سەر بنکە ئەتۆمییەکانی ئێران بەردەوامە و ئێرانیش بنکە ئەتۆمییەکانی لە ڕوی سیستمی پاراستنەوە توندتر دەکاتەوە.
دامەزراوەیەکی لێکۆڵینەوەی جیهانی بە بڵاوکردنەوەی چەند وێنەیەک ئاشکرایدەکات کە ئێران لە کۆمەڵگەی سەربازیی پارچین لە باشوری ڕۆژهەڵاتی تاران چەند دیوارێکی پاراستنی لە تەقینەوە دروستکردووە.
دامەزراوەی لێکۆڵینەوەی “ئینتێل لاب” بە بڵاوکردنەوەی چەند وێنەیەک ئاشکرایدەکات ئێران چوار دیواری لە کۆمەڵگەی سەربازی پارچین بە بەرزی 12 مەتر دروستکردووە کە ڕێگە لە تەقینەوە و تەشەنەسەندنی تەقینەوە بۆ کۆی کۆمەڵگە دەکات.
بە پێی زانیارییەکانی “ئینتێل لاب” ئەو دیوارانە لە ساڵی ڕابردوەوە دەست بە دروستکردنی کراوە و لە قۆناغەکانی کۆتاییدایە.
New Construction activity at #Parchin Military Complex, #Iran. #TheIntelLab #IMINT #BallsiticMissiles #JCPOAhttps://t.co/LpCLBSoFQl
— The Intel Lab (@TheIntelLab) April 17, 2021
لە ماوەی چەند ساڵی ڕابردوودا هێرش بۆ سەر دامەزراوە ئەتۆمییەکانی ئێران بەردەوامی هەبووە و بەردەوام ئێران ئیسرائیلی بە هۆکاری هێرشەکان تۆمەتبارکردووە.
لە تازەترین ڕوداودا تەقینەوەیەک لە بنکەی ئەتۆمی نەتەنز لە نزیک ئەسفەهان ڕویدا، لەگەڵ ئەوەش جارێکی دیکە ئێران ئیسرائیلی بە هۆکاری ڕوداوەکە تۆمەتبارکرد، لە بەرامبەردا ئێران ڕایگەیاند، “لە کاردانەوەی ئەو هێرشانەدا پیتاندنی یۆرانیۆم بۆ ڕێژەی لە ٪60 بەرزکراوەتەوە”.
