حکومەتی کوبا ئاشکرایکرد کە 5 ڤاکسینی دژە کۆرۆنا بەرهەم دەهنێت و یەکێک لە ڤاکسینەکانیش ناوی “عەبدوڵا”یە.
پرسیارەکە ئەوەیە کە بۆچی وڵاتێکی سۆسیالیستی لە ئەمریکای باکور ڤاکسینەکەی بەناوێکی عەرەبی دادەنێت و ناوی دەنێت عەبدوڵا؟
کەناڵی بی بی سی لەسەر ئەو پرسیارە دەڵێت، “زۆرینەی داهێنانەکان لە کوبا بەناوێکی شۆڕشگێڕییەوە ناودەنرێت، چونکە وڵاتەکە خۆی سمبولی شۆڕشی کیشوەرەکەی و بگرە بەشێک لە جیهانیشە، بۆیە ناوی عەبدوڵا هەڵبژێردراوە ناوی ڕۆمانێکی شۆڕشگێڕییە کە کوبییەکان دەیناسن”.
ڕۆمانی عەبدوڵا لە نوسینی خوزە مارتییە و لە سەدەکانی ڕابردوو نوسراوە، کە باس لە شۆڕشگێڕێکی عەرەبی دەکات دژی داگیرکاری وڵاتانی ڕۆژئاوا.
ڤاکسینەکانی دیکەی وڵاتی کوبا بەناوەکانی (سۆپەرنای یەک، سۆپەرنای دوو، سۆپەرنا پڵەس) ناو نراون کە سۆپەرنا بە زمانی ئیسپانی یانی “گەورە یان بەهێز”.
